पाल्पा । नेपाल सरकारले २०२० लाई भ्रमण वर्षका रुपमा मनाइरहेका बेला स्कटल्याण्डमा रहेका नेपाली तथा रेष्टुरेण्ट व्यवसायी काशिराम भण्डारीको पहलमा नेपाल भ्रमण वर्ष लक्षित कार्यक्रम हुने भएका छन् । नेपाल भ्रमण वर्षको प्रवद्र्धन गर्ने उद्देश्यले फेब्रअरी २३ तारिकका दिन स्कटल्याण्डको काउडेनविथ स्थित भण्डारी सञ्चालक रहेको सिमला प्यालेस रेष्टुरेण्टमा कार्यक्रम हुन लागेको हो ।

कार्यक्रममा नेपाल भ्रमण वर्षसँग नेपालको पर्यटन प्रवद्र्धन गर्ने विभिन्न प्रस्तुतिहरु रहनुको साथै नेपाली संस्कृति झल्काउने विविध सांस्कृतिक कार्यक्रम र नेपाली परिकारहरु रहने छन् । नेपाल सरकारले घोषणा गरेको भ्रमण वर्ष अभियानलाई सफल र उद्देश्यमूलक बनाउन कार्यक्रम आयोजना गर्न लागिएको व्यवसायी भण्डारीले जानकारी दिए । नेपाल लण्डनस्थित नेपाली दूतावाससँगको सहकार्यमा गर्न लागिएको कार्यक्रममा करिब ७० जना स्थानीय स्कटिसहरुको सहभागिता रहने छ । लामो समयदेखि स्कटल्याण्डमा रहेर रेष्टुरेण्ट व्यवसाय गर्दै आएका भण्डारी विभिन्न सामाजिक कार्यहरुमा समेत सहभागि क्रियाशिल रहँदै आए छन् ।