पाल्पा, पछिल्लो २४ घण्टामा थप १ सय १० जनामा कोरोना भाइरस (कोभिड १९) संक्रमण पुष्टि भएको छ । स्वास्थ्य तथा जनसंख्या मन्त्रालयको अनुसार मंगलबार थप १ सय १० जनामा कोरोना भाइरस (कोभिड १९) संक्रमण पुष्टि भएको हो ।
देशभरका प्रयोगशालामा ३ हजार २ सय १८ जनाको नमुना परीक्षण गर्दा ३९ जना महिला र ७१ जना पुरुष गरी कुल १ सय १० जनामा संक्रमण पुष्टि भएको हो । यससँगै कुल संक्रमित संख्या २ लाख ७३ हजार ६ सय ६६ जना पुगेको छ । उनीहरु मध्ये २ लाख ७० हजार ६८ जना संक्रमणमुक्त भएका छन् भने कुल २०६५ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । हाल देशभर १ हजार ६ जना संक्रिय संक्रमित छन् । उनीहरुमध्ये ९९५ जनाको होम आइसोलेशनमा छन् भने ४६ जनाको आईसीयू र १२ जनाको भेन्टिलेटरमा उपचार भइरहेको छ ।