पाल्पा,नेपालमा पछिल्लो २४ घण्टामा थप तीन जनाको कोरोना संक्रमणका कारण ज्यान गएको छ । मंगलबार तीन जनाको ज्यान गएसँगै नेपालमा कोरोना संक्रमणका कारण ज्यान गुमाउनेको संख्या तीन हजार तीस पुगेको छ । यस्तै पछिल्लो २४ घण्टामा नेपालमा १ सय ६७ जना कोरोना संक्रमित थपिएका छन् । स्वास्थ्य तथा जनसंख्या मन्त्रालय अनुसार मंगलबार थपिएका १ सय ६७ संक्रमितसँगै नेपालमा संक्रमितको संख्या २ लाख ७७ हजार १ सय ४७ पुगेको हो ।

पछिल्लो २४ घण्टामा ३ हजार १ सय ४० पीसीआर परीक्षण भएका छन् । यस्तै, २४ घण्टामा १ सय १५ जना कोरोनाबाट मुक्त भएका छन् । हालसम्म २ लाख ७२ हजार ७ सय २७ जना संक्रमणमुक्त भएको मन्त्रालयको तथ्यांक छ । त्यस्तै १ हजार ३ सय ९० जना आइसोलेसनमा र ५३ जना क्रुवारेन्टाइनमा रहेको मन्त्रालयले जनाएको छ । हालसम्म नेपालमा २२ लाख ६७ हजार ४ सय ८ पीसीआर परीक्षण भएका छन् ।