पाल्पा,जिल्लाको माथागढी गाउँपालिका ५ सुर्काबासमा टिपर दुर्घटना भएको छ । सुर्काबास स्थित गोठादी सुनवल कच्चि सडक खण्डमा सुनवलबाट सोही स्थानमा रहेको चुनढुङ्गा खानीतर्फ आउँदै गरेको लु २ ख ३६३६ नं. को टिपर दुर्घटना भएको हो ।

दुर्घटनामा परी टिपर चालक सल्यान जिल्लाका ३७ वर्षीय भोला राम बोहोराको मृत्यु भएको जिल्ला प्रहरी कार्यालयका प्रहरी उपरीक्षक रामश्वर त्वातीले बताए । उनका अनुसार चालक बोहोराको घटनास्थलमै मृत्यु भएको हो । टिपर सडकदेखी अन्दाजी १ सय मिटर तल खसेको छ । टिपर खाली भए पनि के कति कारणले दुर्घटना भएको हो भन्ने विषय भने खुल्न सकेको छैन । घटनाको विषयमा विस्तृत अध्ययन भइरहेको जिल्ला प्रहरी कार्यालयले जनाएको छ ।