पाल्पा, जिल्लाको निस्दी गाउँपालिका–५ ढुङ्गाबेशीमा ट्याक्टरबाट खसेर सहचालकको मृत्यु भएको छ । शुक्रबार राती बेलौचिबाट ढुङ्गानाबेशीतर्फ आउदै गरेको लु ४ त ६९८१ नं. को खाली ट्याक्टरबाट खसेर ट्याक्टर सहचालक निस्दी ४ का १९ वर्षीय टेकबहादुर जर्घा मगरको मृत्यु भएको हो ।

उनी ट्याक्टरबाट अचानक खस्न जाँदा ट्याक्टरको पछाडीको टायरले कुल्चिन गई घटनास्थलमै मृत्यु भएको जिल्ला प्रहरी कार्यालयका प्रहरी निरीक्षक तथा सुचना अधिकारी लक्ष्मण पचभैया जानकारी दिए । दुर्घटना सम्बन्धी थप अनुसन्धान भइरहेको प्रहरीले जनाएको छ ।