पाल्पा,जिल्लामा पछिल्लो २४ घण्टामा १सय २७ जना संक्रमितले कोरोना जितेका छन् । विभिन्न अस्पतालमा उपचार गराइरहेका र होमआइसोलेसनमा रहेका ७१ महिला र ५६ जना पुरुषले कोरोना जितेका हुन् ।

जिल्ला स्वास्थ्य कार्यालयले बुधबार सार्वजनिक गरेको नियमित कोरोना अपटेडमा तानसेन नगरपालिकाका ४८, माथागढी गाउँपाकिा २६, रामपुर नगरपालिका,रैनादेवी छहरा गाउँपालिका, निस्दी गाउँपालिकाका १/१ जना,पूर्वखोला गाउँपालिकाका १६, रम्भा गाउँपालिकाका ४, रिब्दीकोट गाउँपालिका ३, तिनाउ गाउँपालिकाका २२, बगनासकाली गाउँपालिकाका ५ जना संक्रमित डिस्चार्ज भएको जनाइएको छ । योसँगै जिल्लामा कोरोना संक्रमणबाट निको हुनेहरुको संख्या ३ हजार ८ सय ५७ पुगेको छ ।

                      ९३ जना नयाँ संक्रमित थपिए

यस्तै पछिल्लो २४ घण्टामा जिल्लामा ९३ जना नयाँ कोरोना संक्रमित थपिएका छन् । पीसीआर परीक्षणमा ७० र एन्टिजेन परीक्षणमा २३ जनामा संक्रमण देखिएको स्वास्थ्य कार्यालयले जनाएको छ । २ सय २० जनामा पिसिआर परीक्षण गरिएकोमा तानसेनका २९,रम्भाका ३६,बगनासकालीका २, तिनाउ, रैनादेवी छहरा, पूर्वखोलाका १/१ जनामा संक्रमण पुष्टि भएको हो । यो सँगै जिल्लामा पीसीआर विधिबाट परीक्षण गरिएका कोरोना संक्रमितको संख्या ४ हजार ४ सय १६ पुगेको छ । जसमा १ हजार ५ सय ६९ जना महिला र २ हजार ८ सय ४७ जना पुरुष रहेका छन् । यस्तै एन्टिजेन परीक्षणमा २३ जना नयाँ संक्रमित देखिएका छन् । जसमा तानसेनका ८, रिब्दीकोटका ३, तिनाउका ७, रामपुर, बगनासकाली, माथागढी, रेनादेवी छहरा, रम्भाका १/१ जनामा संक्रमण देखिएको हो । योसँगै एन्टिजेन परीक्षणमा अहिलेसम्म ९ सय १९ जनामा संक्रमण देखिएको छ ।

पाल्पामा अहिलेसम्म कोरोना संक्रमणका कारण मृत्यु हुनेको संख्या ८१ पुगेको छ । यहाँ अहिले कुल सक्रिय संक्रमितको संख्या एक हजार ३ सय ९७ पुगेको छ । अहिलेसम्म जिल्लामा एक हजार ३ सय ९७ जना होम आइसोलेसनमा रहेका छन् भने ५० जनाको विभिन्न अस्पतालमा उपचार भइरहेको छ ।