पाल्पा,  राष्ट्रिय प्रजातन्त्र पार्टी पाल्पाको जिल्ला अधिवेशन भएको छ । शनिबार तानसेनमा एक समारोहका बिच अधिवेशन भएको हो ।

अधिवेशनले डुलबहादुर कुंवरलाई अध्यक्षमा चयन गरेको छ । कुंवर यस अघि जिल्ला अध्यक्ष हुँदै केन्द्रिय सदस्य समेत भएका छन् । अधिवेशनले उनको नेतृत्वमा ३१ सदस्यीय कार्यसमिति चयन गरेको छ । जसको उपाध्यक्षमा धूर्व खाती र माया देवी ब्रजाचार्य, सचिवमा हरि बस्याल,कोषाध्यक्ष निर्मला हमाल र सह–सचिव भानु कुमार ब्रजाचार्य रहेका छन् ।

अधिवेशनको राप्रपाका केन्द्रिय सदस्य मीनबहादुर कुंवरले उद्घाटन गरेका हुन् । कार्यक्रमको उद्घाटन गर्दै प्रमुख अतिथि कुंवरले पार्टीलाई एक ढिक्का बनाएर लैजान जिल्लाको नेतृत्वलाई आग्रह गरे । कार्यक्रममा सदिस श्रेष्ठ, ज्ञानबहादुर सिजाली, चन्द्रबहादुर थापा, भोजिन्द्र बहादुर कुंवर फर्सु राम पोखरेल, बिष्णु पाण्डे लगायतले आ–आफ्ना धारणा राखेका थिए । पार्टीका अध्यक्ष रेवन्तबहादुर बिष्टको अध्यक्षता, सचिव हरि बस्यालको सञ्चालनमा उद्घाटन शत्र कार्यक्रम भएको थियो ।