पाल्पा । जिल्लाको तिनाउ खोलामा रहेको तिनाउ जलविद्युत केन्द्रको ड्याम साइडमा पौडी खेल्ने क्रममा बेपत्ता भएका रुपन्देही तिलोत्तमा नगरपालिका ७ भलवाडीका २१ वर्षका प्रदिप रोका मृत अवस्थामा फेला परेका छन् ।

साथीहरुसँगै खोलामा पौडी खेल्ने क्रममा २४ गते (शनिबार) देखि बेपत्ता भएका रोका मंगलबार दिउँसो २ बजेको समयमा मृत अवस्थामा फेला परेका हुन् । प्रहरी चौकी दोभान पाल्पाबाट खटिएका टोलीले ड्याम साइडदेखि १ कि.मि. तल पानीमा तैरिरहेको अवस्थामा मृत फेला पारेको जिल्ला प्रहरी कार्यालयले जनाएको छ ।