पाल्पा, नेपालमा पछिल्लो २४ घण्टामा २ सय ८० जना कोरोना संक्रमित थपिएका छन् । बुधबार देशभरका विभिन्न स्थानबाट २ सय ८० संक्रमित थपिएका हुन् । स्वास्थ्य तथा जनसंख्या मन्त्रालयले सार्वजनिक गरेको नियमित कोरोना अपडेटमा ९ हजार २ सय १२ जनाको पीसीरआर परीक्षणमा २ सय ५२ जनामा संक्रमण देखिएको हो ।

यस्तै मन्त्रालयका अनुसार २ हजार ७ सय ८२ एन्टिजेन परीक्षणमा २८ जनामा संक्रमण देखिएको छ । पछिल्लो २४ घण्टामा कोरोना भाइरस संक्रमणमुक्त हुनेको संख्या ३ सय रहेको छ भने ६ जनाको मृत्यु भएको छ । हाल देशभर कोरोना भाइरसको सक्रिय संक्रमितको संख्या ५ हजार ६ सय ३५ रहेको छ । पछिल्लो २४ घण्टामा फेला परेका संक्रमितमध्ये १ सय १८ जना मात्र काठमाडौं उपत्यकाका रहेका छन् ।