काठमाडौं, नेपाली काँग्रेस उपसभापति पदमा पूर्णबहादुर खड्का र धनराज गुरुङ विजयी भएका छन् । पार्टीको १४औं महाधिवेशनअन्तर्गत भएको चुनावमा यी दुई जना विजयी भएका हुन् ।

खड्का शेरबहादुर प्यानलका हुन् भने गुरुङ कोइराला प्यानलका हुन् । देउवा पक्षका अर्का उम्मेदवार विजयकुमार गच्छदार केही मतअन्तरले पराजित भएका छन् । त्यस्तै उपसभापतिका उम्मेदवारहरु चन्द्र भण्डारी, सुजाता कोइराला, महेश आचार्य र दिव्यश्वरी शाह पराजित भएका छन् ।