पाल्पा, मोटर साइकल र बस एक आपसमा ठोक्किदा एक जनाको मृत्यु भएको छ । सिद्धार्थ राजमार्ग पाल्पा बुटवल सडक खण्डको तिनाउ गाउँपालिका ३ अर्घाछापमा मोटर साइकल र बस एक आपसमा ठोक्किदा मृत्यु भएको हो ।

पाल्पाबाट बुटवल जाँदै गरेको लु ४९ प २०७७ नम्बरको मोटरसाइकललाई सोहि दिशा तर्फ गइरहेको ग १ ख ४२६१ नम्बरको बससँग ठक्कर खादा स्याङ्जा कालिगण्डकी १ छापडाँडा घर भई हाल रुपन्देही तिलोत्तमा ३ वनबाटिका बस्ने वर्ष ३७ का टिका राना घाइते भएका थिए । घाईते भएका रानाको उपचारको क्रममा लुम्बिनी प्रादेशिक अस्पताल बुटवलमा मृत्यु भएको अस्पतालले जनाएको छ । ठक्कर दिने बस चालकलाई पक्राउ गरी थप अनुसन्धान भइरहेको जिल्ला प्रहरी कार्यालय पाल्पाले जनाएको छ ।