पाल्पा, नेपालमा पछिल्लो २४ घण्टामा २ सय ३५ नयाँ संक्रमित थपिएका छन् । शुक्रबार स्वास्थ्य तथा जनसंख्या मन्त्रालयलले सार्वजनिक गरेको कोरोना अपडेटमा देशभरका विभिन्न स्थानका २ सय ३५ जनामा कोरोना भाइरस संक्रमण पुष्टि भएको हो । ७ हजार ८ सय ८५ जनाको पीसीआर परीक्षणमा २ सय २४ जना र १ हजार १ सय ९९ जनाको एन्टीजेन परीक्षण गर्दा ६ जना गरी २ सय ३५ जनामा कोरोना संक्रमण पुष्टि भएको मन्त्रालयलले जनाएको छ । थपिएसँगै नेपालमा कोरोना संक्रमितको कुल संख्या ९ लाख २४ हजार ६ सय ३३ पुगेको छ ।

यस्तै पछिल्लो २४ घण्टामा ४ जनाको मृत्यु भएको छ भने २ सय १२ जना संक्रमणमुक्त भएका छन् । योसँगै नेपाल मृत्यु हुनेको संख्या ११ हजार ५ सय ९४ पुगेको छ भने ८ लाख ११ हजार ९ सय ५८ जना संक्रमणमुक्त भएका छन् । मन्त्रालयका अनुसार हाल देशभर सक्रिय संक्रमितको संख्या ४ हजार ८ सय ७९ जना रहेका छन् । जसमध्ये ४ हजार ६ सय ५१ जना होम आइसोलेसनमा रहेका छन् भने २ सय २८ जना संस्थागत आइसोलेसनमा रहेका छन् ।