तानसेन, बुटवल वुद्धनगरबाट शव बोकेर रिडी घाट हिडेको बस पाल्पाको रिब्दीकोट गाउँपालिका वडा नंं २ लघुवामा दुर्घटना भएको छ । आज बिहान १०ः ३० बजेको समयमा लु १ ख ७२७९ नम्बरको बस दुर्घटना भएको हो । दुर्घटनामा परी ७ जनाको घटनास्थलमै मृत्यु भएको जिल्ला प्रहरी कार्यालयका प्रहरी नायव उपरीक्षक रामेश्वर त्वातीले जानकारी दिए । उनका अनुसार बसले किचेको अवस्थामा ३ जना भेटिएका छन् ।

मृतकको भने पहिचान खुल्न सकेको छैन । दुर्घटनामा परी ८ जना घाइते भएका छन् । घाइतेहरुलाई उपचारका लागि युनाइटे मिसन अस्पताल पठाइएको प्रहरी नायव उपरीक्षक त्वातीले बताए । अहिले बसले च्यापिएका व्यक्तिको उद्धारमा स्थानीय र प्रहरी जुटेको स्थानीय विश्व कार्कीले जानकारी दिए । बसमा करिव ४० जना मलामी सवार रहेको बताइएको छ । दुर्घटनाको थप विवरण आउन बाँकी रहेको पाल्पा प्रहरीले जनाएको छ ।