पाल्पा,जिल्लामा पछिल्लो २४ घण्टामा थप ३८ जना संक्रमित कोरोना संक्रमणमुक्त भएका छन् । आइसोलेसन तथा विभिन्न अस्पतालमा उपचार गराइरहेका जिल्लाका १४ जना महिला र २४ जना पुरुष संक्रमणमुक्त भएका हुन् ।

स्वास्थ्य कार्यालय पाल्पाले आइतबार सार्वजनिक गरेको नियमित कोरोना अपटेडमा तानसेन नगरपालिकाका ७, रिब्दीकोट गाउँपालिकाका ४, रैनादेवी छहरा गाउँपालिकाका १७, पूर्वखोला गाउँपालिकाका ३, माथागढी गाउँपालिका र तिनाउ गाउँपालिकाका २/२, बगनासकाली गाउँपालिका, रम्भा गाउँपालिका र रामपुर नगरपालिकाका १/१ जना संक्रमित कोरोनामुक्त भएको पाइएको हो । योसँगै जिल्लामा निको हुने संक्रमितको संख्या ११ हजार ७ सय ९७ पुगेको छ । जसमा ५ हजार ३ सय ३६ महिला र ६ हजार ४ सय ६१ जना पुरुष रहेका छन् ।

यस्तै पछिल्लो २४ घण्टामा ४ जना नयाँँ कोरोना संक्रमित थपिएका छन् । ६ जनाको पीसीआर परीक्षणमा ४ जनामा संक्रमण देखिएको छ । तानसेनकाका १ र रामपुरका ३ जनामा संक्रमण देखिएको हो । यो सँगै पीसीआर परीक्षणबाट संक्रमित हुनेको संख्या ६ हजार ९ सय ६५ पुगेको छ । जसमा २ हजार ७ सय ९२ महिला र ४ हजार १ सय ७३ पुरुष रहेका छन् । यस्तै पछिल्लो २४ घण्टामा एन्टिजेन परीक्षण भने एउटा पनि गरिएको छैन । जिल्लामा अहिलेसम्म १ सय ३५ जना सक्रिय संक्रमित रहेका छन् । जस मध्ये १ सय २८ जना होम आइसोलेसनमा रहेका छन् भने ७ जनाको विभिन्न अस्पतालमा उपचार भइरहेको छ ।