पाल्पा,जिल्लामा पछिल्लो २४ घण्टामा थप ५ जना कोरोना संक्रमित संक्रमणमुक्त भएका छन् । आइसोलेसन तथा विभिन्न अस्पतालमा उपचार गराइरहेका जिल्लाका ३ जना महिला र २ जना पुरुष संक्रमणमुक्त भएका हुन् ।

स्वास्थ्य कार्यालय पाल्पाले शुक्रबार सार्वजनिक गरेको नियमित कोरोना अपटेडमा रिब्दीकोट गाउँपालिकाका २, तानसेन नगरपालिका, बगनासकाली गाउँपालिका र पूर्वखोला गाउँपालिकाका १/१ जना संक्रमित कोरोनामुक्त भएको पाइएको हो । योसँगै जिल्लामा निको हुने संक्रमितको संख्या ११ हजार ९ सय ९२ पुगेको छ । जसमा ५ हजार ४ सय ४७ महिला र ६ हजार ५ सय ४५ जना पुरुष रहेका छन् ।

यस्तै, पछिल्लो २४ घण्टामा पीसीआर र एन्टिजेन परीक्षण गर्दा १ जनामा पनि संक्रमण देखिएको छैन । जिल्लामा अहिलेसम्म २३ जना सक्रिय संक्रमित रहेका छन् । जसमध्ये २२ जना होम आइसोलेसनमा रहेका छन् भने १ जनाको अस्पतालमा उपचार भइरहेको छ ।