पाल्पा, जिल्लामा पछिल्लो २४ घण्टामा थप ४ जना कोरोना संक्रमित संक्रमणमुक्त भएका छन् । आइसोलेसन तथा विभिन्न अस्पतालमा उपचार गराइरहेका जिल्लाका ४ जना महिलाहरु संक्रमणमुक्त भएका हुन् ।

स्वास्थ्य कार्यालय पाल्पाले सोमबार सार्वजनिक गरेको नियमित कोरोना अपटेडमा बगनासकाली गाउँपालिकाका २, रामपुर नगरपालिका र तिनाउ गाउँपालिकाका १÷१ जना संक्रमित कोरोनामुक्त भएको पाइएको हो । योसँगै जिल्लामा निको हुने संक्रमितको संख्या १२ हजार ८ पुगेको छ । जसमा ५ हजार ४ सय ५५ महिला र ६ हजार ५ सय ५३ जना पुरुष रहेका छन् ।

यस्तै, पछिल्लो २४ घण्टामा पीसीआर र एन्टिजेन परीक्षण गर्दा १ जनामा पनि संक्रमण देखिएको छैन । जिल्लामा अहिलेसम्म ९ जना सक्रिय संक्रमित रहेका छन् । जसमध्ये ८ जना होम आइसोलेसनमा रहेका छन् भने १ जनाको अस्पतालमा उपचार भइरहेको छ ।