पाल्पा, जिल्लामा पछिल्लो २४ घण्टामा थप १ जना कोरोना संक्रमित संक्रमणमुक्त भएका छन् । स्वास्थ्य कार्यालय पाल्पाले मंगलबार सार्वजनिक गरेको नियमित कोरोना अपटेडमा रैनादेवी छहरा गाउँपालिकाका १ जना संक्रमित कोरोनामुक्त भएको पाइएको हो । योसँगै जिल्लामा निको हुने संक्रमितको संख्या १२ हजार ९ पुगेको छ । जसमा ५ हजार ४ सय ५६ महिला र ६ हजार ५ सय ५३ जना पुरुष रहेका छन् ।

यस्तै, पछिल्लो २४ घण्टामा पीसीआर परीक्षण गर्दा १ जनामा पनि संक्रमण देखिएको छैन । यसैगरी एन्टिजेन परीक्षण गर्दा १ जनामा कोरोना संक्रमण देखिएको छ । ५३ जनाको एन्टिजेन परीक्षण गर्दा १ जनामा कोरोना देखिएको हो । जसमा बगनासकाली गाउँपालिकाका १ जनामा देखिएको हो । योसँगै जिल्लामा एन्टिजेन परीक्षणबाट संक्रमण हुनेको संख्या ५ हजार २ सय ९६ पुगेको छ । जहाँ २ हजार ७ सय ३६ जना महिला र २ हजार ५ सय ६० जना पुरुष रहेको स्वास्थ्य कार्यालयको तथ्याङ्कमा उल्लेख छ । जिल्लामा अहिलेसम्म ९ जना सक्रिय संक्रमित रहेका छन् । जसमध्ये ७ जना होम आइसोलेसनमा रहेका छन् भने २ जनाको विभिन्न अस्पतालमा उपचार भइरहेको छ ।