पाल्पा, नेपालमा सोमबार थप २१ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयलका अनुसार देशका विभिन्न स्थानमा गरिएको पीसीआर र एन्टिजेन परीक्षणमा थप २१ जनामा संक्रमण देखिएको हो ।

पीसीआर र एन्टिजेन गरी ६ हजार तीन सय नौ जनाको नमुना परीक्षण गर्दा २१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै अहिले नेपालमा एक हजार दुई सय ५४ जना कोरोना भाइरसका सक्रिय संक्रमित रहेका छन् । पछिल्लो २४ घण्टामा कोरोनाबाट मृत्यु हुनेको संख्या शून्य छ । मन्त्रालयका अनुसार सोही अवधिमा ३ सय १९ जना कोरोनामुक्त भएका छन् । यसैबीच पछिल्लो २४ घण्टामा एक लाख ६ हजार ७९ जनाले कोरोना भाइरसविरुद्धको खोप लगाएका स्वास्थ्य तथा जनसंख्या मन्त्रालयले जनाएको छ ।