पाल्पा, पाल्पाको रैनादेवी छहरा गाउँपालिकामा नेपाली काँग्रेसकोतर्फबाट उम्मेदवारी दर्ता भएको छ । गाउँपालिकामा रहेको निर्वाचन कार्यालयमा पुगी पालिका अध्यक्ष,वडा अध्यक्ष र सदस्य पदका उम्मेदवारहरुले मनोनयन दर्ता गरेका हुन् ।
बैशाख ३० गते हुन लागेको स्थानीय निर्वाचनको लागि यहाँ नेपाली काँग्रेसबाट पालिका अध्यक्षमा रुक्मागत भट्टराईले मनोनयन दर्ता गराएका छन् । गठबन्धन दलबीच चुनावी तालमेल हुँदा रैनादेवी छहरमा काँग्रेसले अध्यक्ष पाएको थियो भने उपाध्यक्ष नेकपा माओवादी केन्द्रले पाएको छ ।
उपाध्यक्षमा माओवादी केन्द्रका युवराज थापाले उम्मेदवारी दर्ता गरेका छन् । त्यस्तै वडा नं. १ को अध्यक्षमा सोम बहादुर दर्लामी , २ को अध्यक्षमा दान बहादुर पौडेल ,३ को अध्यक्षमा प्रदिप पौडेल ४ को अध्यक्षमा लक्ष्मण रायमाझी, ५ को अध्यक्षमा हुमान सिंह कार्की ६ को अध्यक्षमा डोम बहादुर घर्ती ,७ को अध्यक्षमा देबेन्द्र पुन र वडा नं. ८ को अध्यक्षमा थमन बहादुर रानाले उम्मेदवारी दर्ता गराएका छ्न । उम्मेदवारी दर्ता गराएका मध्ये वडा नंबर १ र ३ मा माओवादी केन्द्रका उम्मेदवार हुन । यहाँ उत्साहजन रुपमा उम्मेदवारी दर्ता भइरहेको छ ।
