पाल्पा, जिल्लाको पूर्वखोला गाउँपालिका –१ सिलुवामा नेकपा एमालेको प्यानलै विजयी भएको छ । एमालेबाट वडा अध्यक्षमा उम्मेदवार बनेका गिरमान आले सहितको प्यानल विजयी भएको हो । आलेले १ हजार ४ सय ८८ मत ल्याएर विजयी भएका हुन । उनका निकटतम् प्रतिद्वन्द्वी काँग्रेसका चुन बहादुर थापाले ४ सय ८६ मत ल्याए । महिला, दलित महिला र खुल्ला दुई सदस्यसमेत एमालेकै प्यानल विजयी भएको निर्वाचन अधिकृतको कार्यालय पूर्वखोलाले जानकारी दिएको छ ।

वडा नं. १ बाट गाउँपालिका अध्यक्षका लागि एमालेका नुन बहादुर थापाले १ हजार ४ सय ४१, एमाले कै उपाध्यक्षका उम्मेदवार भागिरथी भट्टराईले १ हजार ४ सय ७७ प्राप्त गरेकी छन् । गठबन्धन तर्फ नेकपा एकिकृत समाजवादीबाट अध्यक्षका उम्मेदवार मीन प्रसाद गिरीले ४ सय १ र उपाध्यक्षमा काँग्रेसका विष्णु देवी आचार्यले ४ सय ८४ मत प्राप्त गरेको जनाइएको छ ।