पाल्पा, जिल्लाको तिनाउ गाउँपालिकामा एमालेबाट अध्यक्षमा र उपाध्यक्षमा गठबन्धनबाट काँग्रेसका उम्मेदवार विजयी भएका छन् । अध्यक्षमा एमालेका प्रेम श्रेष्ठ विजयी भएका छन् । उनले ५ हजार ९० मत ल्याएर विजयी भए भने उनका निकटत् प्रतिद्धन्द्धी गठबन्धनका उम्मेदवार नेकपा माओवादी केन्द्रका राजेश श्रेष्ठले ४ हजार ४ सय ६६ मत प्राप्त गरे ।

उपाध्यक्षमा भने गठबन्धनका उम्मेदवार नेपाली काँग्रेसका लालबहादुर थापा विजयी भए । उनले ५ हजार ८२ मत प्राप्त गरे भने निकटतम प्रतिद्वन्द्वी नेकपा एमालेकी सावित्रा गुरुङ रानाले ४ हजार ४ सय ६५ मत प्राप्त गरिन् । यहाँ गएको स्थानीय निर्वाचनमा नेकपा एमालेले अध्यक्ष र उपाध्यक्ष दुवै जितेको थियो ।

तिनाउ गाउँपालिकाको वडाध्यक्षमा १ मा एमालेबाट भुवानसिंह चिदी, २ बाट यादव अर्याल, ३ बाट चित्रबहादुर थापा ४ बाट तुलबहादुर आले ५ बाट इन्द्रा चिदी र ६ वडाबाट टोमबहादुर पुन विजयी भएका छन् । ३ का थापा र ६ का पुन काँग्रेसका हुन् । अन्य वडाका सबै एमालेबाट निर्वाचित भएका हुन् ।