पाल्पा, जिल्लाको माथागढी गाउँपालिकामा एमालेले चार वडासहित अध्यक्ष, उपाध्यक्ष जितेको छ । यहाँ नेकपा एमालेका यमबहादुर चिदी मगरले ६ हजार १ सय ९ मत ल्याएर विजयी भने उनका निकटत्म प्रतिद्धन्द्धी नेपाली काँग्रेसका सन्तोषकुमार थापाले ५ हजार ५ सय ५४ मत ल्याए । उपाध्यक्षमा विष्णुमाया लुङ्चे निर्वाचित भएकी छन् ।

उनले ५ हजार ८ सय ८२ मत पाइन् भने काँग्रेसकी विजया भट्टराईले ५ हजार ६ सय ४४ मत पाइन् । निर्वाचित दुवै जना पूर्वस्वास्थ्यकर्मी हुन् । यहाँ नेकपा एमालेले वडा नं. १,२,३ र ४ मा जितेको छ भने काँग्रेसले ५, ६, ७ र ८ मा विजयी हासिल गरेको छ । यहाँ विगतमा काँग्रेसले क्लिन स्वीप गरेको थियो । माथागढीमा काँग्रेसको किल्ला भएकै कारण उसले गठबन्धन नगरी प्रतिष्पर्धामा उत्रेको थियो ।