गुल्मी, गुल्मीको इस्मा गाउँपालिकामा काँग्रेस विजयी भएको छ । यहाँ काँग्रेसले चारवटा वडा सहित पालिका हात पारेको हो । अध्यक्षमा नेपाली काँग्रेसका भगतसिं खड्का विजयी भएका छन् । ५ हजार ५ सय ८९ मत ल्याएर विजयी भए भने निकटत्म प्रतिद्धन्द्धी नेकपा एमालेका हिराबहादुर एसीले ५ हजार ४ सय ६४ मत ल्याए ।

उपाध्यक्षमा काँग्रेसकी पार्वती कुँवर निर्वाचित भएकी छन् । उनले ५ हजार ९ सय ९ मत ल्याएर विजयी भइन् निकटत्म प्रतिस्पर्धी एमालेकी विमला खत्रीले ५ हजार १ सय २१ मत पाइन् । खत्री २०७४ सालको निर्वाचनमा उपाध्यक्षमा निर्वाचित भएकी थिइन ।

यहाँ ६ वटा वडामध्ये ४ वटा वडामा नेपाली काँग्रेस र २ वटा वडामा नेकपा एमालेले जितेको छ । गाउँपालिकामा १७ हजार ८ सय ८२ मतदाता रहेकोमा ११ हजार ४ सय ६५ मत खसेको थियो । यहाँ २०७४ सालको स्थानीय तह निर्वाचनमा अध्यक्ष र उपाध्यक्षमा एमालेले जितेको थियो ।