पाल्पा, जिल्लाको रैनादेवी छहरा गाउँपालिकामा गठबन्धनका उम्मेदवार विजयी भएका छन् । यहाँ अध्यक्षमा नेपाली काँग्रेसका रुक्मागत भट्टराई विजयी भएका छन् । उनले ६ हजार ६ सय ४३ मत प्राप्त गरेका छन् । उनका निकटतम् प्रतिस्पर्धी एमालेका रामबहादुर राउतले ६ हजार १ सय ४५ मत पाए । २०७४ सालको स्थानीय निर्वाचनमा पनि राउत नेपाली काँग्रेसका रामबहादुर कार्कीसँग पराजित भएका थिए ।
यस्तै यहाँ उपाध्यक्षमा गठबन्धनबाट नेकपा माओवादी केन्द्रका युवराज थापा विजयी भएका छन् । थापाले ६ हजार ३ सय ७ मत प्राप्त गरे भने उनका निकटतम् प्रतिस्पर्धी नेकपा एमालेकी गीता भट्टराई घिमिरेले ५ हजार ७ सय ६१ मत पाइन् ।
यहाँ आठ वडामध्ये दुई/दुई वटा वडामा एमाले र माओवादी विजयी भए भने चार वटा वडामा नेपाली काँग्रेसका उम्मेदवार विजयी भए । यो पालिकामा यसअघिको निर्वाचनमा काँग्रेस एक्लैले ६ वडा जितेको थियो भने माओवादी र एमालेले एक/एक वडा जित हासिल गरेका थिए ।
