पाल्पा, तानसेन नगरपालिकाका निवर्तमान नगर प्रमुख अशोक कुमार शाही र उप प्रमुख लक्ष्मीदेवी पाठकसहितका नेताहरु नेकपा एकिकृत समाजवादी (एस) मा प्रवेश गरेका छन् । नेकपा एमालेबाट २०७४ को स्थानीय तहको निर्वाचनमा तानसेन नगरपालिकाको नगर प्रमुख र उपप्रमुखमा निर्वाचित भएका उनीहरु पार्टीका गतिविधिहरुबाट असन्तुष्टि जनाउँदै नेकपा एसमा प्रवेश गरेका हुन् ।
शाही र पाठक सहितका एक दर्जन बढी नेताहरु एसमा प्रवेश गरेका छन् । उनीहरुले संयुक्त रुपमा प्रेस विज्ञप्ती निकाल्दै नेकपा एमालेबाट संघीय लोकतान्त्रिक गणतन्त्रको मर्म अनुसार काम हुन नसकेको भन्दै पार्टी परित्याग गरिएको बताएका छन् । पार्टी प्रवेश गर्नेहरुमा तानसेन नगरपालिकाका निवर्तमान नगर प्रमुख अशोक कुमार शाही, निवर्तमान उप प्रमुख लक्ष्मीदेवी पाठक , नेताहरु भिम बहादुर कुमाल,रामप्रसाद घिमिरे,शिव थापा, बिनिता लुइँटेल, सुजेन्द्र कार्की, बुद्धे सार्की, कृष्णबहादुर केसी,लक्ष्मण कार्की, मधु कार्की,बिनोद लुइँटेल,कृष्णकुमारी केसी,माधव प्रसाद पाठक,केशव प्रसाद घिमिरे,कृष्ण प्रसाद पाठक,उमेश घिमिरे रहेका छन् ।
