रैनादेवी छहरामा १७ वर्षीय किशोर मृत फेला
पाल्पा,जिल्लाको रैनादेवी छहरा गाउँपालिकामा एक किशोर मृत अवस्थामा फेला परेका छन् । रैनादेवी छहरा गाउँपालिका ८ खुर्सानेका १७ वर्षीय लीलाबहादुर कार्की शुक्रबार विहान मृत अवस्थामा फेला परेका हुन् ।
मावली घर गएका उनी घरको दलानमा सुतिरहेको अवस्थामा मृत फेला परेको जिल्ला प्रहरी कार्यालय पाल्पाले जनाएको छ । प्रहरीले प्रारम्भीक अनुसन्धान गरी शवलाई पोष्टमार्टमको लागि लुम्बिनी प्रादेशिक अस्पताल बुटवल पठाएको छ । घटनाको विषयमा थप अनुसन्धान भइरहेको जिल्ला प्रहरी कार्यालयका प्रहरी नायव उपरीक्षक वीरेन्द्र थापाले जानकारी दिए ।
प्रकाशित मिति: शुक्रबार, भदौ १०, २०७९
प्रतिक्रिया दिनुहोस्
साताको लोकप्रीय
