पाल्पा, पाल्पाबाट अवैध दुई बोरा कपडा बरामद गरिएको छ । जिल्लाको तिनाउ गाउँपालिका–३ पैठेडाँडामा चेकजाँच गर्ने क्रममा प्रहरी चौकी दोभानले विभिन्न प्रकारको दुई बोरा कपडा बरामद गरेको हो ।

भन्सार छलेर ल्याएको दुई बोरा बेवारिसे कपडा विशेष सूचनाको आधारमा बरामद गरिएको थियो । प्रहरीका अनुसार ८० हजार बराबरको एक सय जोर कुर्ता सुरुवाल बरामद गरिएको छ ।

बेवारिसे अवस्थामा दुईवटा बोरामा मानिसले लगाउने जस्ता कपडा देखेपछि स्थानीयले प्रहरीलाई खबर गरेका थिए । खबर लगत्तै प्रहरी चौकी दोभानबाट खटिएको प्रहरी टोलीले उक्त सामान हेर्दा सेतो बोरामा ५० थान र निलो बोरामा ५० थान गरी १ सय थान कुर्ता सुरुवाल फेला पारेको हो । उक्त सामान नियन्त्रणमा लिई अनुसन्धानको लागि बेलहिया भन्सार कार्यालय रुपन्देही पठाइएको जिल्ला प्रहरी कार्यालयले जनाएको छ ।