पाल्पा, जिल्लाको रामपुर नगरपालिका–५, सानीअमराईमास्थित कालिगण्डकी करिडोर सडक खण्डमा मोटरसाइकलको ठक्करबाट एक पैदलयात्रीको मृत्युभएको छ । विहीबार साँझा रामपुरबाट दामाचौरतर्फ जाँदै गरेको लु ६८ प ९९९४ नम्बरको मोटरसाएकलले ठक्कर दिँदा बेझाँड बजार बस्ने ७० वर्षीया कोपरी दमिनीको मृत्यु भएको हो ।

बाटोमा पैदल हिँडिरहेकी उनलाई मोटरसाइकलले ठक्कर दिएको प्रहरीले जनाएको छ । मोटसाइकलको ठक्करबाट गम्भीर घाइते भएकी उनलाई रामपुर अस्पतालमा प्राथमिक उपचारपछि थप उपचारका लागि लुम्बिनी मेडिकल कलेज तानसेन रिफर गरिएको थियो । उपचारको लागि लैजाने क्रममा बाटोमै मृत्युभएको आशंका लागि परिवारले पुनः रामपुर अस्पताल नै फिर्ता गरेका थिए । अस्पतालमा डाक्टर चेकजाँच गर्दा मृत्यु भइसकेको घोषणा गरेको जिल्ला प्रहरी कार्यालय पाल्पाले जनाएको छ । मोटरसाइकल र चालकलाई नियन्त्रणमा लिएर घटनाबारे अनुसन्धान गरिरहेको जिल्ला प्रहरी कार्यालयका प्रहरी नायव उपरीक्षक वीरेन्द्र थापाले जानकारी दिए ।