पाल्पा, जिल्लाको तिनाउ गाउँपालिका–२ हापुरस्थित तारे जंगलमा अरिङ्गाल पोल्ने क्रममा रुखबाट लडेर एक जना युवकको ज्यान गएको छ । शुक्रबार साँझ साथीसँगै जंगलमा अरिङ्गाल पोल्न गए हापुरका ३० वर्षीय विष्णु सारुको रुखबाट लडेर ज्यान गएको हो ।
सारु स्थानीय ३२ वर्षीय पूर्ण बहादुर रानासँगै अरिङ्गाल पोल्न गएका थिए । उनी अरिङ्गाल पोल्न रुखमा चढेका बेला अचानाक लड्न पुुगेको जिल्ला प्रहरी कार्यालयले जनाएको छ । रुखबाट लडेर एक सय मिटर तल खसेका उनलाई उपचारका लागि लुम्बिनी प्रादेशिक अस्पताल बुुटवल पठाइएकोमा शुक्रबार राति ज्यान गएको प्रहरीले जनाएको छ ।