पाल्पा, जिल्लाको निर्वाचन क्षेत्र नं.२ (१) प्रदेश सभामा गठबन्धनका साझा उम्मेदवार नेपाली काँग्रेसका नेता तथा लुम्बिनी प्रदेशका उर्जा, जलस्रोत तथा सिंचाई मन्त्री वीरबहादुर रानाको अग्रता कायमै रहेको छ । पछिल्लो मत परिणाम अनुसार रानाले ५ हजार ८ सय ७७ मत ल्याएर अग्रस्थानमा छन् । उनले सुरुवातदेखि अग्रता लिइरहेका छन् । उनका प्रतिद्धन्दी नेकपा एमालेका परशुराम भट्टराईले ४ हजार ७ सय २८ मत ल्याएका छन् । राना भट्टराई भन्दा १ हजार १ सय ४९ मतले अगाडि छन् ।

यहाँ मंगोल नेशनल अर्गनाइजेसनका लक्ष्मण गाहाले ९ सय ६२,राष्ट्रिय प्रजातन्त्र पार्टीका राजु गैरेले ३ सय २४ मत प्राप्त गरेका छन् ।