पाल्पा (रामपुर)। कामना सेवा विकास बैंक रामपुर शाखाले विद्यार्थीहरुलाई न्यानो कपडा वितरण गरेको छ । शाखाले साँखर मोहमी माध्यमिक विद्यालय चापाकोट ६ स्याङ्जाका विद्यार्थीहरुलाई न्यानो कपडा स्वीटर वितरण गरेको हो ।

विद्यालयको ६१ औं वार्षिक उत्सव तथा ६२ औं अभिभावक दिवसको अवसरमा कक्षा १ देखि ५ सम्मका ६२ जना विद्यार्थीहरुलाई स्वीटर वितरण गरेको छ । बैंकले सामाजिक उत्तरदायित्व कार्यक्रम अन्तर्गत विद्यार्थीलाई न्यानो कपडा वितरण गरेको कामना सेवा विकास बैंक रामपुर शाखाका प्रबन्धक सुन्दरप्रसाद घिमिरेले जानकारी दिए । शाखाले यस अघि पर्यटकिय स्थल तालपोखरामा ट्रष्ट निर्माण गरेको थियो ।